Komunikazioak eta posterrak

III. Euskal Mundu Biltzarrak komunikazio eta posterren laburpenak aurkezteko deialdia ireki du.

Biltzarraren helburua da ikertzaileen, hezkuntza arloko profesionalen, arduradun politikoen eta komunitate-eragileen arteko topaketa eta elkarrizketa sustatzea, hizkuntza-aniztasuna eta hizkuntzen biziberritzea indartzeko.

Bereziki ongietorriak izango dira ikerketa akademikoa eta gizarte-praktikak uztartzen dituzten ekarpenak, baita esperientzia berritzaileak eta lankidetza-ekimenak ere.

Deialdi honen helburua da euskararekin eta munduko beste hizkuntza gutxituekin lotutako ikerketak, hizkuntza-politikak, praktikak eta esperientziak partekatzeko eta eztabaidatzeko gune bat eskaintzea.

Gaiak

Proposamenek honako gai hauek jorratu ahal izango dituzte:

• Hizkuntza gutxituei buruzko ikerketa.
• Hizkuntza-politika eta hizkuntza-plangintza.
• Ekologia linguistikoa, hizkuntza-aniztasuna eta politika publikoak.
• Hezkuntza, hizkuntzen irakaskuntza eta belaunaldien arteko transmisioa.
• Hizkuntzen sustapenerako komunitate-ekimenak eta jardunbide egokiak.
• Hizkuntzaren erabilera gizartean eta testuinguru eleaniztunetan.
• Kultura, komunikabideak eta sormen-adierazpenak.
• Teknologia digitalak eta lineako espazioak hizkuntza gutxituentzat.
• Etorkizuneko ahotsak: digitalizazioa eta berrikuntza hizkuntza gutxituen biziberritzean.
• Hizkuntza-aktibismoa, identitatea eta hizkuntza-eskubideak.
• Hizkuntza gutxituen modernizazioa.

Laburpenen bidalketa

Komunikazio edo posterren proposamenen laburpenak bidaltzeko epea itxita dago.